Kaldalón hf: Birting skráningarskjals Kaldalóns hf. o.fl.

Birting skráningarskjals og samþykki um töku hlutabréfa til viðskipta á First North markað Nasdaq Iceland hf.

Kaldalón hf. hefur birt skráningarskjal vegna fyrirhugaðrar töku allra útgefinna hlutabréfa félagsins (hér eftir ,,hlutirnir“) til viðskipta á First North Iceland. Í kjölfar birtingar skráningarskjals hafa öll skilyrði fyrir töku hlutanna til viðskipta á First North Iceland verið uppfyllt og hefur Nasdaq Iceland hf. samþykkt töku þeirra til viðskipta.

Heildarfjöldi útgefinna hluta í félaginu er kr. 3,641,570,537. Hver hlutur er 1 íslensk króna að nafnverði. Hlutirnir eru gefnir út rafrænt í kerfum Nasdaq verðbréfamiðstöðvar hf. og er ISIN númer þeirra IS0000029114. Auðkenni hlutanna í kerfum First North Iceland er KALD.

Nánari upplýsingar um Kaldalón og hlutabréf Kaldalóns má finna í skráningarskjalinu sem er dagsett í ágúst 2019, og birt á vef félagsins, https://kaldalon.is/fjarfestar/.

Um Nasdaq First North

Nasdaq First North er skilgreint sem markaðstorg fjármálagerninga (e. Multilateral Trading Facility) rekið af Nasdaq Nordic kauphöllunum (Nasdaq First North Denmark er skilgreint sem hliðarmarkaður). Markaðurinn hefur ekki lögbundinn sess sem skipulegur markaður innan Evrópusambandsins. Félög á Nasdaq  First North lúta reglum Nasdaq First North en ekki þeim lagalegu kvöðum sem fylgja því að skrá fyrirtæki á skipulegan verðbréfamarkað. Áhættan við slíka fjárfestingu getur verið meiri en á Aðalmarkaði.

Viðurkenndur ráðgjafi

Fyrirtækjaráðgjöf Kviku er viðurkenndur ráðgjafi félagsins í aðdraganda og undirbúningi skráningar. Kvika er með starfsleyfi sem viðskiptabanki skv. lögum um fjármálafyrirtæki nr. 161/2002, og er undir eftirliti Fjármálaeftirlitsins. Kvika er viðurkenndur ráðgjafi (e. Certified Adviser) á First North markaðnum. Nasdaq Iceland mun gegna eftirliti í kjölfar töku hlutanna til viðskipta.

Opinn fundur með fjárfestum

Í tilefni af töku hlutabréfa Kaldalóns til viðskipta á First North markaðnum heldur Kaldalón opinn kynningarfund þann 29. Ágúst 2019, kl. 17:00, í höfuðstöðvum GAMMA, að Garðastræti 37, 101 Reykjavík. Bjóðum alla velkomna.